Psa 108 | PONPDN | STEP | MAING Kot, mongiong i kin moleilei; i men kakaul o kakauleki psalm akan, o pil ngen i.

Psalms 108

1 MAING Kot, mongiong i kin moleilei; i men kakaul o kakauleki psalm akan, o pil ngen i.
2 Koma arp o laute pirida! I pan paurida nin soran.
3 I pan kapinga komui nan pung en kainok kan, Maing Ieowa, o i pan kaule kin komui nan pung en aramas akan.
4 Pwe omui kalangan me laud, ileila sang nanlang, o omui melel lelada wong tapok kan.
5 Re kotida ponangin nanlang, Maing Kot, o omui lingan en kipadi sappa.
6 Pwe kompoke pamui kan en saladokala; kom kotin sauasaki pali maun ar, o kotin ereki kit.
7 Kot kotin masanier nan sapwilim a mol saraui, i me i peren kida; i pan nek pasang Sikem o sosong sap Sukot.
8 Kilead o Manase iei sap ai, ngai kin kaunda Epraim; a iuda iei ai sokon.
9 Moap iei ai dal en dud; i kin tiakedi Edom; i pan ngisingisiki men Pilista.
10 Is me pan kalua ia nan kanim tengeteng eu? Is me pan iang ia Iel Edom?
11 Kaidin komui ai Kot? Komui me kase kit ala, o sota iang at karis akan. Maing Kot.
12 Kom kotin ieiang kit ni ul apwal akan, pwre en aramas sauasa sota katepa.
13 langaki at Kot kit pan kapwaiada dodok manaman akan. A pan kotin tiakedi at imwintiti kan.